Mayor's Message

Patuloy na pagbabago sa Mabato

Written by Iron Man on .

mabatoMahaba-haba na po ang naipakongkretong barangay road sa Mabato simula nang maupo si Mayor Rey A. Rillo. Sa katunayan nakapaglaan na ng 1.3 Milyong Piso ang ating Pamahalaang Bayan ng simulan ang pagsasaayos ng daan sa nasabing barangay noong nakaraang taon. Ang Isang Milyong Piso po na natanggap natin mula sa Performance Challenge Fund ng DILG ay ginugol din natin para madugtungan ang nasimulang proyekto ni Mayor Rey sa Mabato.

Ngayong taong ito, muling naglaan ng halagang Isang Milyong Piso ang ating lokal na pamahalaan upang mas lumawak pa ang maipakongkretong daan sa Mabato. May haba po itong 228 metro at lapad na 4.5 metro. Nagmula po sa 20% Development Fund ng ating munisipyo ang pondong ginamit sa proyektong ito. Ito na po ang pang-apat sa mga proyektong imprastraktura na nailatag para sa mga kababayan natin sa Barangay Mabato bunga ng masigasig na pamumuno ng ating Punong Bayan.
Ang daan kung tatanawin natin walang katapusan, pero sa lider na may tunay na malasakit sa kanyang bayan bawat maliit na bagay may malaking kabuluhan.

Gallery